image Policia ia zë derën burrit që shtiu me armë zjarri në Lipjan, përfundon në pranga
[wp-story id="814678"]

Siguri

Policia ia zë derën burrit që shtiu me armë zjarri në Lipjan, përfundon në pranga

news image

Posedimi i armëve ilegale është një dukuri shqetësuese në vendin tonë, pasi që Policia vazhdimisht has në persona të armatosur të cilët cenojnë sigurinë publike dhe rrezikojnë jetën e qytetarëve. Pothuajse çdo ditë Sinjali ka raportuar me detaje për raste të tilla, që shpeshherë kanë pasuar edhe me përleshje e kanë përfunduar me fatalitet, raporton Gazeta Sinjali.

Një rast i tillë është zbuluar dje gjatë ditës në Lipjan, ku Policia ka marrë informacione se një person ka shtënë disa herë me armë zjarri.

Burimet e Gazetës Sinjali brenda Prokurorisë kanë bërë me dije se pas veprimeve hetimore është identifikuar personi i dyshuar dhe më pas i njëjti është ftuar për intervistim.

41-vjeçari nga fshati Kleçkë i Lipjanit para hetuesve policorë ka pranuar se ka shtënë disa herë me armën e tij, për të cilën nuk posedon leje dhe të njëjtën më pas e ka dorëzuar tek organet kompetente.

Më pas Policia në koordinim me Prokurorinë ka kryer bastisje në shtëpinë e të dyshuarit ku kanë gjetur dhe sekuestruar një armë zjarri dhe municion.

Me urdhër të prokurorit rasti është iniciuar ‘Mbajtje në pronësi, kontroll ose posedim të paautorizuar të armës’ dhe ‘Përdorim i armës apo mjetit të rrezikshëm’.

/GazetaSinjali/