Mauricio Pochettino ka vendosur përfundimisht të qëndrojë në Paris Saint-Germain, duke ia shuar shpresat Tottenhamit për rikthimin e tij në krye të skuadrës, përcjell Sinjali Sport.
Javëve të fundit është përfolur shumë se Pochettino do të largohej nga PSG-ja pas më pak se një viti në kryeqytetin francez.
Për të interesim të madh shfaqën Tottenhami dhe Real Madridi, me këtë të fundit që u tërhoq pasi e ktheu në stol Carlo Ancelottin nga Evertoni.
Tottenhami shpresoi deri në çastet e fundit të kthejë trajnerin argjentinas në klub, megjithëse e kishte shkarkuar vitin e kaluar.
Por sipas Fabrizio Romanos, Pochettino nuk do të largohet nga PSG-ja, pavarësisht bisedimeve me Tottenhamin.
“Pochettino nuk largohet. Edhe PSG-ja mban qëndrimin e njëjtë, me gjithë bisedimet me Tottenhamin”, shkroi Romano në “Twitter”.
‘Pochettino NOT leaving’, PSG on same position despite Tottenham talks. ⚪️ #THFC
— Fabrizio Romano (@FabrizioRomano) June 6, 2021
…and that’s it: Pochettino has been directly involved in Wijnaldum’ turnaround to join PSG.
Poch called Gini several times, they met in 2016 as Poch wanted him at Spurs. Now, together in Paris ????????
Ai, po ashtu, zbuloi se Pochettino e ka bindur Gini Wijnaldumin ta refuzojë Barcelonën dhe ta pranojë ofertën e PSG-së.
“Pochettino është përfshirë drejtpërdrejt në kthesën e papritur të Wijnaldumit për t’iu bashkuar PSG-së. Ai i telefonoi atij disa herë. Ata ishin takuar më 2016 pasi Pochettino e donte në Tottenham. Tani, së bashku në PSG”, shtoi ai.
