Njësitet policore vazhdimisht përmes punës së tyre intensive arrijnë që t’i vënë në pranga personat që kërkohen me urdhëresa të Gjykatave për vepra të ndryshme. Si rrjedhojë e kësaj, sot është arrestuar një 41-vjeçare e komunitetit turk, e cila ishte në kërkim policor, raporton Gazeta Sinjali.
Por i gjithë plani i saj që të vazhdojë arratisjen nga duart e drejtësisë, shkoi huq pasi që 41-vjeçarja është kapur sot rreth orës 10:50.
Sinjali mëson se e njëjta po kërkohej me urdhëresë të Gjykatës Themelore në Prizren dhe ndaj saj kishte një urdhër arrest aktiv.
Sipas burimeve ajo është arrestuar dhe është dërguar në Burgun e Lipjanit për vuajtje të dënimit me burgim prej 10 ditëve për shkak se kishte kryer veprën penale ‘Kanosje’.
