Sipas statistikave të Institutit Kombëtar të Shëndetit Publik në Kosovë, gjendja me COVID-19 është duke u qetësuar, shkruan Gazeta Sinjali.

Gjatë gjithë javës, u regjistruan 127 raste të reja dhe 3 viktima, ndërsa gjatë muajve të verës shifra edhe më të larta janë shënuar vetëm gjatë 24 orëve.

Kështu ka rënë edhe numri i rasteve aktive.

Momentalisht, 439 persona janë të infektuar me COVID-19 në tërë Kosovën.

Komuna me më së shumti raste aktive është ajo e Prishtinës me 105, pastaj e dyta është ajo e Ferizajt me 38.

E treta është Prizreni. Atje janë 31 persona që janë testuar pozitiv me koronavirus. Ndërsa komuna e katërt është ajo e Gjilanit me 25 raste aktive.

Komuna e pestë është ajo e Kamenicës. Në këtë komunë janë 24 raste aktive.

Sipas raportit të fundit nga MSh, në Kosovë, për 24 orë janë shënuar 13 raste aktive dhe një rast i vdekjes./GazetaSinjali/