Pesë persona kanë pësuar lëndime trupore si pasojë e një aksidenti rrugor mes dy veturave, që ndodhi sot rreth orës 14:00, në rrugën Mitrovicë-Prishtinë, shkruan Gazeta Sinjali.

Lajmin për Gazetën Sinjali e ka konfirmuar zëdhënësi i policisë për rajonin e Mitrovicës, Avni Zahiti, i cili tha se aksidenti ka ndodhur në fshatin Kçiq të kësaj komune.

Zahiti po ashtu bëri të ditur se pesë të lënduarit janë dërguar për tretman mjekësor në Spitalin e Mitrovicës.

“Rreth orës 14:00 ka ndodhë një aksident trafiku, në të cilën kanë qenë dy vetura të përfshira. Si pasojë e aksidentit, pesë persona kanë kërkuar tretman mjekësor”, tha ai./Gazeta Sinjali/