Gjatë ditës së sotme rreth orës 16:00, një banesë është kapluar nga zjarri, në rrugën “Besa Besë” në Fushë Kosovë, raporton Gazeta Sinjali.

Lajmin për Gazetën Sinjali e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti bëri të ditur se si pasojë e zjarrit, një femër është lënduar dhe është dërguar për trajtim mjekësor.

“Zjarri është lokalizuar nga ana e zjarrfikësve, ndërkohë që policia ka nisur një hetim për sqarimin e rrethanave dhe shkaqeve të këtij rasti“, tha Ahmeti për Sinjalin./GazetaSinjali/