Një supermarket në Lipjan në mëngjesin e sotëm është përfshirë nga zjarri, shkruan Gazeta Sinjali.

Nga ky zjarr nuk raportohet se ka persona të lënduar, por vetëm dëme materiale.

Deri më tani nuk dihen shkaqet e zjarrit.

Lajmin për Gazetën Sinjali e ka konfirmuar zëdhënësi i PK-së për rajonin e Prishtinës, Agron Borovci.

“Rreth orës 05:40,  është raportuar për një  objekt të përfshirë nga zjarri në Lipjan.

Policia menjëherë ka dalë në vendin e ngjarjes, po ashtu  janë ftuar edhe zjarrfikësit me qëllim të menaxhimit të përhapjes së zjarrit.

Nuk raportohet për ndonjë person të lënduar, përveç dëmeve të konsiderueshme materiale.

Aktualisht policia ka nisur ndërmarrjen e veprimeve që konsistojnë në zbardhjen e rrethanave të ngjarjes”, ka thënë ai.

Kliko KËTU për të parë videon e zjarrit./Gazeta Sinjali/