Është arrestuar një 56-vjeçar shqiptar me Banim në Gorgonzola, pasi i njëjti dyshohet se ka dhunuar gruan e tij, si dhe ka përdhunuar 2 vajzat e tij, përcjell Gazeta Sinjali.

Sipas mediave italiane, përdhunimi kishte filluar kur vajzat ishin 4 dhe 5 vjeç dhe kishte vazhduar për vite me radhë.

Dhuna seksuale e vajzës së madhe kishte ndodhur mes viteve 1999- 2002, kur ajo ishte 5 vjeç deri në moshën 8 vjeç. Ndërsa për motrën e saj të vogël kishte nisur kur ishte 4 vjeç në vitin 2004 dhe kishte vazhduar deri në vitin 2013.

Pas një sherri brutal, të shkaktuar për arsye ekonomike, vajza e madhe, e cila tani është 29 vjeç, shkoi për të denoncuar babanë e saj në polici.

Sipas hetimit, burri, i varur nga alkooli dhe bixhozi, pa një punë të qëndrueshme, kërcënonte vazhdimisht dy vajzat dhe nënën e tij me vdekje dhe i rrihte me shkelma dhe grushte. /Gazeta Sinjali/