Policia e ka marrë në mbrojtje kryetarin e Partisë Demokratike të Kosovës, Memli Krasniqi si dhe kryetarin e Lidhjes Demokratike të Kosovës, Lumir Abdixhiku.
Këtë nga ana e PDK-së e ka konfirmuar drejtori për Komunikim në këtë parti, Valmir Klaiqi.
“Po, me rekomandim të Drejtorisë së Përgjithshme të Policisë së Kosovës, kryetarit të Partisë Demokratike të Kosovës, Memli Krasniqi, i është ofruar një ekip i njësisë së mbrojtjes së afërt të policisë”, tha KlaiqI.
Teksa edhe zëdhënësja politike e LDK-së, Sibel Halimi, tha se lajmi është i vërtetë.
“Për të gjitha informacionet e tjera ju lutem kontaktoni policinë e Kosovës”, tha ajo.
Ende nuk dihet se cila është aryseja e këtij zhvillimi, teksa për rastin deri më tani nuk janë deklaruar as nga ana e policisë.
