Pavarësisht diskutimeve dhe raportimeve për kushte të vështira atmosferike, FIFA ka vendosur që ndeshja e 1/8 së finales së Kupës së Botës ndërmjet Meksikës dhe Anglisë të zhvillohet në orarin e parashikuar.
Sipas vendimit të konfirmuar, Meksika dhe Anglia do të përballen në orën 02:00 të mëngjesit të së hënës (me kohën në Kosovë), në Mexico City.
Agjencia e lajmeve “AFP” ka raportuar më herët për mot të keq dhe stuhi të mundshme gjatë kohës së zhvillimit të ndeshjes, çka kishte ngritur dilema për ndryshimin e orarit.
Megjithatë, FIFA ka vendosur të mos bëjë asnjë ndryshim, duke konfirmuar zhvillimin e takimit sipas planifikimit fillestar, pavarësisht kushteve të mundshme atmosferike.
Sinjali – aty ku e vërteta flet para lajmit!
