Dje janë regjistruar tri raste të reja me koronavirus, ku njëri prej tyre është konfirmuar pas vdekjes.
Sipas komunës së Malishevës, personi që ka vdekur sot në orët e para mëngjesit, H.E. (1963) nga fshati Ngucat, pasi ka ndërruar jetë është konfirmuar, se ka qenë i prekur edhe me COVID-19.
Ky rast e shënon personin e katërt të vdekur në Komunën e Malishevës, të prekur edhe me koronavirus.
“Gjendja aktuale me COVID-19 në Komunën e Malishevës, është kjo: nga 90 të prekur, 76 janë shëruar, 10 janë aktiv dhe 4 persona kanë vdekur. Shtabi Komunal Emergjent, përsëri ju bën thirrje të gjithë qytetarëve që të zbatojnë masat dhe rekomandimet e profesionistëve shëndetësorë, për mbajtje të maskave, mbajtje të distancës, mos frekuentim të vendeve ku ka grumbuj të njerëzve dhe pastrim të shpeshtë të duarve, thuhet në njoftim. /Gazeta Sinjali/