image Pas rrëfimit tronditës të Britney Spears në Gjykatë vjen reagimi i të dashurit të saj - Sinjali

Pas rrëfimit tronditës të Britney Spears në Gjykatë vjen reagimi i të dashurit të saj

news image

Britney Spears është aktualisht artistja më e komentuar në media rozë, pasi ditën e djeshme bëri para gjykatës rrëfimin tronditëse për kujdestarinë e babait të saj, transmeton Gazeta Sinjali.

Këngëtarja e njohur gjatë deklaratës së saj në gjykatë tregoi se i është nënshtruar vlerësimeve të shumta psikike, ilaçeve dhe se është traumatizuar nga i ati, Jamie Spears.

Ajo tha se nuk ka folur publikisht në lidhje me këtë çështje, sepse mendonte se askush nuk do e besonte, teksa zbuloi se nuk mund të mbetet shtatzënë për shkak të rregullave ligjore, që u vendosën në fuqi në 2008, sepse kujdestarët e saj nuk aprovojnë heqjen e kontrollit të lindjes.

Spears gjatë dhënies së deklaratës ka treguar se asaj i është vënë një pajisje, e cila nuk e lejon që të mbetet shtatzënë dhe ndonëse ka kërkuar që ta heqin, diçka e tillë nuk i lejohet për shkak se kujdestarët e saj nuk e aprovojnë atë.

“Kam gënjyer dhe i kam thënë gjithë botës se jam mirë dhe jam e lumtur… nuk jam mirë. Nuk jam e lumtur, nuk mund të fle. Jam e nevrikosur. Është çmenduri. Dhe jam në depresion. Qaj çdo ditë. Së fundmi më thanë se nuk jam në gjendje të martohem ose të kem një fëmijë. Kam një IUD* (Pajisje që ndalon shtatzëninë – pajisje kontraceptive intrauterine) brenda vetes që të mos mbetem shtatzënë. Do doja ta hiqja në mënyrë që të kem një fëmijë tjetër, por kjo e quajtur ‘skuadër’ nuk më lejon të shkoj te mjeku, sepse nuk duan që unë të kem fëmijë të tjerë. Me të vërtetë besoj se kjo kujdestari është abuzive”, tregoi Britney.

Artistja ka marrë mbështetjen e shumë figurave publike dhe ndjekësve të saj, teksa nuk ka munguar as reagimi i të dashurit Sam Asghari.

Ai publikoi në “InstaStory” një foto të një luaneshe që duket se simbolizon artisten pasi ai shpesh i është referuar Britneyt, si “luanesha” e tij. /GazetaSinjali/


Shpërndaje artikullin