Gjatë ditës së sotme parashihet të ketë aktivitet të vazhdueshëm të disa elementeve meteorologjike, duke bërë që gjendja në Troposferë të ndryshojë, e pasuar me kushte për reshje shiu, njofton Instituti Hidrometeorologjik i Kosovës.

“Reshjet do të jenë intensitetit mesatar dhe vende-vende parashihen edhe shkarkime rrufesh. Indeksi UV vazhdon të mbetet i lartë, prandaj kujdes nga rrezet direkt të diellit, sidomos në orët e mesditës”, thuhet në njoftim, transmeton Gazeta Sinjali.

Kurse, temperaturat pritet të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 27-30 gradë Celsius.

Po ashtu, ky instituti njofton se gjatë ditës së sotme do të fryjë erë nga verilindja me shpejtësi 1-8 m/s.

“Kushtet biometeorologjike dhe agrometeorologjike do të jenë relativisht të mira”, përfundon njoftimi i IHMK-së./Gazeta Sinjali/