image Paniku nga koronavirusi, vetëm dje dhe sot në Kosovë kanë hyrë rreth 200 tonë miell

Kosovë

Doganat/ Paniku nga koronavirusi, vetëm dje dhe sot në Kosovë kanë hyrë rreth 200 tonë miell

news image

Pas konfirmimit të rasteve të para me koronavirus në Kosovë, qeveria ka vendosur që t’i mbyllë edhe hyrje-daljet në pikat kufitare si një nga masat për parandalimin e përhapjes së mëtejme të pandemisë. Derisa lëvizjet për udhëtarë janë ndaluar, ato të mallrave po vazhdojnë normalisht.

Zëdhënësi i Doganave të Kosovës, Adriatik Stavileci ka thënë për Gazetën Sinjali se në pikëkalimet doganore është duke vazhduar normalisht importi i mallrave.

“Situata në pikëkalimet doganore është normale. Importi i mallrave komerciale ka vazhdu. Është shumë normale situata. Në aspektin e mallrave komerciale, ndërsa për udhëtarë e dini”, ka thënë Stavileci.

Në Kosovë, përvjeç tjerash, ka pasur kërkesë të madhe të qytetarëve për të blerë miell. Këto kërkesa janë rritur edhe më shumë me t’u konfirmuar rastet e para me koronavirus.

Megjithatë, situata nuk duket të jetë shqetësuese, pasi Stavileci ka thënë se vetëm dje dhe sot në Kosovë kanë hyrë rreth 200 tonë miell.

“Sot edhe dje kemi pasë shumë importe të miellit, rreth 200 tonë”, ka thënë Stavileci për Gazetën Sinjali.

Ai ka thënë se doganierët janë të pajisur me masa mbrojtëse për parandalimin e përhapjes së koronavirusit, meqenëse duhet të jenë në punë pavarësisht situatës.

Deri tani në Kosovë janë konfirmuar 13 pacientë të infektuar me koronavirus, ndërsa qeveria ka marrë një sër masazh të vazhdueshme për parandalimin e kësaj pandemie. /Gazeta Sinjali/