Një shtetas doli para gjykatës së Tiranës për kundërshtim policie dhe plagosje të rëndë të efektivit Zeqir Musai.
Ai u arrestua në datën 21 prill pasi në zonën e Yzberishtit i theu këmbën oficerit në detyrë.
Efektivi po kryente detyrën dhe i vendosi gjobë për parkim të gabuar shtetasit Ermal Mucolli.
I nevrikosur, siç duket në pamjet ekskluzive, ai del nga lokali, i kërkon llogari efektivit dhe mandej e shtyn dhe e godet.
Kamera e sigurisë të një biznesit tregojnë policin të shtrirë përtokë, raporton TopChannel.
Efektivi shfaqet duke mbajtur këmbët dhe duke kërkuar ndihmë derisa aty mbërrijnë kolegët kurse autori largohet për t’u arrestuar në ndjekje e sipër nga uniformat blu.
Prokurori i çështjes këmbënguli në gjykatë se veprimet e qytetarit nga Kombinati janë të rënda dhe rrezikuan jetën e efektivit i cili përfundoi në spital me gjymtyrë të thyer.
