Albert Bunjaku është përshëndetur sonte nga Kombëtarja e Kosovës, teksa u nderua në stadiumin “Fadil Vokrri”, në prag të fillimit të ndeshjes mes Kosovës dhe Zvicrës.
39-vjeçari kishte përfaqësuar Zvicrën, më pas edhe Kosovën pas pranimit në UEFA e FIFA.
Gjilanasi do të mbahet mend gjithmonë për arsyen që është autor i golit historik të Kombëtares së Kosovës, në ndeshjen ndaj Turqisë.
Goli i tij ishte i pari për “Dardanët” në një ndeshje zyrtare ndërkombëtare.
