Ish-përzgjedhësi i Kosovës në futboll, Albert Bunjaku ka zhvilluar një intervistë me Sinjali Sportiv.
Bunjaku komentoi futbollin në përgjithësi nëpër atë që kaloi gjatë vitit që po lëm pas. E ku e vlerësoi si një vit të çuditshëm.
“Po ishte një vit i çuditshëm dhe në rrethana të tilla mendoj që duhet të jemi të kujdesshëm për më shumë kërkesa”.
Bunjaku tha se pandemia ka ndikuar shumë në futbollin vendor.
“Po, ka ndikuar shumë! Thash më lartë se ishte një vit shumë i çuditshëm dhe se nuk është që dikush kishte më shumë eksperienc andaj duhet të mësojmë së bashku që të tejkalojmë këtë kohë të vështirë”.
Po ashtu, Bunjaku tha se sfidë në vete do të jetë kthimi në formën që kishte futbolli kosovar.
“Sfida më e madhe do të jetë të kthehemi ku ishim më herët që natyrisht do kërkohet kohë, pra duhet durim”.
