Edhe kryetari i Aleancës Kosova e Re, Behgjet Pacolli, ka votuar sot për zgjedhjet lokale në shkollën fillore “Shkëndija”, në Hajvali.

Nga aty Pacolli bëri thirrje që qytetarët të mos rrinë duarkryq, por të dalin të votojnë.

Ai tha se duke votuar krijojmë kushte të mira demokratike dhe dinjitoze për jetë.

“Sot është një ditë e mbarë duket edhe koha është e mirë, një fillim i mirë kisha dashur që qytetarët e Kosovës çdo kund ku gjenden të mundohen dhe të shkojnë tek vendvotimi dhe të votojnë mos të rrinë duarkryq dhe me prit prej ardhmërisë”, tha ai.

“Ardhmëria është në duart tona ne me votën tonë krijojmë kushte më të mira, kushte demokratike, kushte dinjitoze për jetë. Prandaj, vota është e rëndësishme dhe ftoj qytetarët masivisht të dalin dhe te votojnë”, shtoi ai./GazetaSinjali/