Vozitësit të cilët ngasin veturën pa ndezur dritat edhe gjatë ditës gjobiten nga Policia e Kosovës, shkruan Gazeta Sinjali.

Mirëpo, sonte dy vozitës nuk i kishin ndezur dritat as në mbrëmje.

Përmes disa pamjeve që sinjalizuesi i ka dërguar në adresë të Gazetës Sinjali, shihet se si një vozitës në rrugën Drenas-Skenderaj me targa 02 964 BL, vozitë pa i ndezur dritat.

Mirëpo, i njëjti sinjalizues ka hasur edhe në një rast tjetër, ku vozitësi me targa nga Shqipëria po ngiste veturën sot në magjistralen Prishtinë-Pejë pa ndezur dritat.

Vazhdoni të denonconi kundërvajtjet në Gazetën Sinjali, në mënyrë që të kontribuojmë sadopak që rregullat në trafik të respektohen. /Gazeta Sinjali/