U.d. e Presidentes, Vjosa Osmani priti sot në takim Ambasadorin e Norvegjisë në Kosovë, Jens Erik Grøndahl, shkruan Gazeta Sinjali.

Me këtë rast,  Grøndahl, në emër të shtetit që përfaqëson, i ofroi Osmanit mbështetje të plotë në detyrën e re dhe e konfirmoi gatishmërinë e vendit të tij për të qëndruar pranë Kosovës në adresimin e sfidave me të cilat po ballafaqohet vendi.

Osmani e vlerësoi lartë angazhimin e Norvegjisë në Kosovë e sidomos mbështetjen e ofruar në fushën e ekonomisë gjatë pandemisë.

Ajo po ashtu e falënderoi Grøndahl për mbështetjen e vazhdueshme dhe vlerësoi lartë prezencën konstruktive dhe partneritetin e ofruar nga ana e Norvegjisë.

Në takim, fokus i veçantë është vënë në sfidat që kanë lindur si pasojë e pandemisë si dhe te nevoja për mobilizim të plotë për mbështetje të masave për rimëkëmbjen ekonomike. Në këtë drejtim, Grøndahl konfirmoi që një pjesë e veçantë e portfolios së angazhimit të tyre do të jetë pikërisht në këtë fushë.

Në takim u diskutua edhe për zhvillimet e fundit politike në vend. /Gazeta Sinjali/