Mercenarët nga grupi famëkeq Wagner i Rusisë po punojnë me paraushtarakët serbë për të kontrabanduar armë dhe uniforma ushtarake të pashënuara në Kosovë, paralajmëron presidentja e vendit, Vjosa Osmani.
Operacioni sekret është krijuar për të hedhur bazat për një sulm të mundshëm hibrid nga Serbia për të rrëmbyer territorin e Kosovës, ka pohuar Osmani në një intervistë për The Telegraph.
Përgatitjet e supozuara nga Serbia kanë paralele me aneksimin e Krimesë nga Rusia në vitin 2014, kur ushtarët rusë të veshur me uniforma të zhveshur nga çdo shenjë, të quajtur “burrat e vegjël të gjelbër”, përgatitën rrugën për shkëputjen e gadishullit nga Moska.
“Ata sjellin armë dhe uniforma por nuk janë formalisht pjesë e ushtrisë serbe. Serbia dëshiron të arrijë qëllimet e saj pa u quajtur operacion ushtarak”, tha zonja Osmani për The Telegraph në zyrën presidenciale në Prishtinë.
“Objektivi serb është të “përgatisë situata për një aneksim të mundshëm – jo përmes një operacioni ushtarak tradicional, por përmes një lloj sulmi hibrid”.
Kufiri ndërmjet Kosovës dhe Serbisë, një nga linjat e çarjeve më të zjarrta në Ballkan, është përfshirë nga tensionet për muaj të tërë, të shkaktuar fillimisht nga një mosmarrëveshje për lejet e drejtimit.
Serbët etnikë, të cilët përbëjnë shumicën e popullsisë së veriut të Kosovës, ishin të zemëruar që u urdhëruan të heqin licencat dhe targat e tyre të lëshuara nga Serbia dhe të miratojnë ato të lëshuara nga autoritetet e Kosovës.
Blloqe rrugore dhe barrikada u ngritën nga serbët etnikë në rrugët anembanë veriut dhe u qëlluan mes policisë dhe protestuesve.
Kriza u bë aq e keqe në dhjetor sa presidenti i Serbisë Aleksandar Vuçiq, i cili nuk e njeh pavarësinë e Kosovës, kërcënoi se do të dërgonte trupa serbe në veri të Kosovës.
Presidentja e Kosovës, zonja Osmani, pohoi se Beogradi po vazhdon të ngjallë tensionet në rajon, në bashkëpunim me Wagner Group të Rusisë, i cili kohët e fundit filloi reklamat për rekrutët serbë për luftën në Ukrainë.
Strategjia e fshehtë për të kontrabanduar armët për një aneksim të dyshuar është duke u zhvilluar për të paktën gjashtë muaj, tha zonja Osmani. Synimi është “pikërisht” i njëjtë me atë të përdorur nga Vladimir Putin në Krime nëntë vjet më parë, pohoi ajo.
“Nëse shikoni se çfarë bëri Putini në 2014, është një kopje e plotë, është i njëjti libër lojërash. Fillimisht ai instrumentalizoi rusët që jetonin atje, më pas krijonte lloj-lloj operacionesh me flamur të rremë dhe më pas dërgoi në këto grupe paraushtarake.
Ka prova të qarta se grupet paramilitare serbe e kanë planifikuar dhe organizuar këtë (me Wagner). Sa ishin në kufi apo brenda (territorit të Kosovës), kjo është një çështje që ende po hetohet.”
Synimet e tyre ishin qartazi agresive. Ata ndërtojnë llogore dhe barrikada të stilit ushtarak. Lloji që mund të përdornin për të luftuar“, ka dkelaruar Osmani.
Serbia ka mohuar që mercenarët e grupit Wagner të kenë pasur ndonjë rol në përplasjen me Kosovën.
Shumë ekspertë të Ballkanit janë skeptikë se Serbia do të guxonte të përpiqej të aneksonte veriun e Kosovës, sepse do t’i sillte ata në një konfrontim me KFOR-in e udhëhequr nga NATO ose Forcën e Kosovës, e cila përfshin ushtarë amerikanë dhe britanikë.
