Presidentja e Kosovës, Vjosa Osmani, në Ditën e Veteranit ka vlerësuar lartë kontributin dhe sakrificën e veteranëve dhe dëshmorëve për forcimin e shtetit dhe mbrojtjen e lirisë.
Osmani ka kujtuar edhe sakrificën e komandantit legjendar Adem Jashari bashkë me familje.
“Në Ditën e Veteranit të UÇK-së, kujtojmë me respekt të gjithë ata djem e vajza të Ushtrisë sonë Çlirimtare, të cilët e bën të mundshme lirinë tonë. Sot kujtojmë edhe sakrificën e komandantit legjendar Adem Jashari me familje, i cili më 30 dhjetor të vitit 1991 pati betejën e parë me forcat e regjimit gjenocidal serb, duke shënuar fillet e rezistencës së armatosur dhe njëherit paralajmërimin e lirisë sonë”., thotë Osmani.
Më tej Presidentja tha se sakrifica e dëshmorëve dhe e veteranëve të UÇK-së, do të na shërbejë si udhërrëfyes për forcimin e shtetit dhe mbrojtjen e lirisë së fituar me mund.
