Presidentja e Republikës së Kosovës, Vjosa Osmani, me ftesë të presidentit Recep Tayyip Erdoğan ka nisur vizitën zyrtare në Turqi.
Osmani atje do të takohet me homologun e saj, presidentin Erdoğan me të cilin përveç diskutimit për marrëdhëniet aktuale, do të shihen edhe mundësitë e zgjerimit të bashkëpunimit. Ndër të tjera presidentja Osmani pritet të takohet edhe me kryetarin e parlamentit turk, Mustafa Şentop si dhe zyrtarë të tjerë të lartë të shtetit turk.
Përveq këtyre takimeve Presidentja Osmani do të zhvillojë takime edhe me odat ekonomike, prodhues industrialë, përfaqësues biznesesh si dhe me komunitetin shqiptar të Turqisë.
Në këto takime ajo do të shoqërohet nga delegacioni i bizneseve kosovare për t`i parë nga afër mundësitë e bashkëpunimit mes dy shteteve.
