Zyra e Komisionerit të Lartë të OKB-së për të Drejtat e Njeriut (OHCHR) thotë se ka pasur më shumë se 1200 viktima civile që nga shpërthimi i luftës në Ukrainë më pak se dy javë më parë.

Kjo përfshin të paktën 406 të vdekur dhe 801 të plagosur.

Ai tha se shumica e lëndimeve janë regjistruar në rajonet e kontestuara nga Rusia, Donetsk dhe Luhansk në Ukrainën lindore.

Shifrat janë një vlerësim konservator dhe OHCHR ka thënë se “beson se shifrat reale janë dukshëm më të larta”.

Viktimat e kohës së luftës janë jashtëzakonisht të vështira për t’u vërtetuar, veçanërisht në periudha ose vende ku zhvillohen armiqësi të forta.

Gjatë fundjavës, Komisioneri i Lartë i OKB-së për Refugjatët, Filippo Grandi tha se më shumë se 1.5 milionë njerëz janë larguar tani nga Ukraina.

Ai tha se kjo përbënte “krizën e refugjatëve në rritje më të shpejtë në Evropë që nga Lufta e Dytë Botërore”. /GazetaSinjali/