image Obiliq: Arrestohen 6 persona për organizimin e skemave piramidale

Kosovë

Obiliq: Arrestohen 6 persona për organizimin e skemave piramidale

news image

Policia e Kosovës ka njoftuar se ka arrestuar 6 persona të dyshuar për organizimin e skemave piramidale dhe bixhozit të paligjshëm, pasditën e djeshme rreth orës 18:00, në Obiliq, shkruan Gazeta Sinjali.

Arrestimi i tyre u bë gjatë kontrollit në 6 lokale afariste nën dyshimin se janë duke zhvilluar veprimtari të kundërligjshme.

Përveç arrestimit të të dyshuarve, policia njofton se gjatë kontrollimit të lokale janë sekuestruar 8 pajisje përmes të cilave dyshohet se janë zhvilluar lojëra të fatit.

“Me urdhër të prokurorit të dyshuarit pas intervistimit janë liruar në procedurë të rregullt”, thuhet në raportin 24-orësh të policisë./Gazeta Sinjali/