Mbrëmë, pak para mesnate, Gazeta Sinjali raportoi se mbi 50 vetura janë mbledhur në autostradën “Ibrahim Rugova” për të zhvilluar gara shpejtësie.
Në pamjet e siguruara u pa një numër i madh i pjesëmarrësve, ku disa prej tyre kishin hyrë në mes të rrugës për të xhiruar garën.
Jo gjithçka shkoi siç këta vozitës e planifikuan, pasi u kapën nga Policia e Kosovës.
Zëdhënësi i Policisë së Kosovës, Bajram Krasniqi bëri të ditur se pak para mesnate, atëherë kur edhe raportoi Sinjali, në autostradë në drejtimin Prizren Veri – Prizren Jug janë njoftuar se është duke u planifikuar një garë me makina.
Me të marr këtë informacion, njësitet policore kanë intervenuar dhe kanë arritur të ndalojnë 12 vetura, ku janë shqiptuar edhe 12 gjoba për drejtuesit e tyre, tregoi për Sinjalin Krasniqi.
