Gjatë ditës së sotme në media u raportua se përfaqësuesi i Lëvizjes Vetëvendosje, në Komisionin Qendror të Zgjedhjeve, Sami Kurteshi e ka sulmuar fizikisht një zyrtar të KQZ-së, për shkak të mosmbajtjes së maskës, shkruan Gazeta Sinjali.
Kur Kurteshi u kontaktua nga Sinjali, ai e mohoi një gjë tillë.
“Jo, nuk është e vërtetë. Është gënjeshtër”, ka thënë shkurtimisht Kurteshi për Sinjalin.
Mirëpo, zëdhënësja e Policës për rajonin e Prishtinës, Flora Ahmeti , ka thënë se është iniciuar hetimi për rastin sulm.
“Policia ka pranuar informatën rreth orës 12:00 dhe menjëherë ka dalë në vendin e ngjarjes.
Ndërkohë që në fazë preliminare janë trajtuar rrethanat e ngjarjes me rekomandimin e prokurorit të shtetit është iniciuar një hetim për rastin sulm”, ka thënë ajo për Sinjalin.
