Kryeministri izraelit Benjamin Netanyahu ka komentuar lidhur me zgjerimin e operacioneve tokësore të Izraelit në jug të Libanit.
“Po i intensifikojmë operacionet tona në Liban”, ka shkruar kryeministri izraelit në rrjetet sociale, duke publikuar edhe një video nga fjalimi i tij hapës në mbledhjen e kabinetit të sigurisë.
Në video, Netanyahu ka elaboruar më tej operacionin, duke thënë se ushtria po vepron me “forca të mëdha në terren” për të marrë kontrollin e “zonave strategjike”.
Më herët, një zyrtar ushtarak izraelit kishte konfirmuar se forcat e armatosura kanë zgjeruar operacionet tokësore përtej zonave që më parë kontrollonin në Liban.
Kjo po ndodh pavarësisht se armëpushimi vazhdon të jetë në fuqi, ndërsa Izraeli pretendon se po vepron për të eliminuar kërcënimet nga milicia Hezbollah, e mbështetur nga Irani.
Sinjali – aty ku e vërteta flet para lajmit!
