Instituti Hidrometeorologjik i Kosovës ka njoftuar se nesër në vendin tonë temperaturat maksimale do të arrijnë deri në 10 gradë Celsius.

“Do të mbajë mot i vranët dhe me intervale me diell. Vranësirat në pjesën e dytë të ditës parashihen të shoqërohen me reshje shiu. Temperaturat minimale do të lëvizin ndërmjet -2 deri -3 gradë Celsius, ndërsa maksimalet e ditës parashihen të lëvizin ndërmjet 8-10 gradë Celsius”, thuhet në njoftimin e IHMK-së.

Sipas këtij instituti, nesër do të fryjë erë kryesisht nga juglindja me shpejtësi 1-7m/s./Gazeta Sinjali/