Familjarët e viktimës që vdiq nga sulmi i mbrëmshëm me armë zjarri në Gllogjan të Deçanit, kanë bërë të ditur se nesër Gani Gjokaj (shoferit të autobusit) do t’i jepet lamtumira e fundit, shkruan Gazeta Sinjali.

Ata kanë njoftuar se 40-vjeçari do të varroset nesër më datë 28 nëntor në ora 12:00 në varrezat e fshatit Skivjan, ndërsa funerali niset nga shtëpia e të ndjerit.

Nga të shtënat me armë zjarri drejt autobusit që po transportonte nxënës nga Gjakova në Deçan, humbën jetën edhe dy nxënës, ndërkohë u plagos edhe një tjetër, gjendja e të cilit është stabile./GazetaSinjali/