Agim Veliu ka treguar se sot bashkë me Ministren e Punëve të Jashtme, Luciana Lamorgese, kanë nënshkruar marrëveshje për Bashkëpunim Policor mes Kosovës dhe Italisë, shkruan Gazeta Sinjali.
Ministri i Punëve të Brendshme, Veliu, përmes një postimi në Facebook ka shkruar se kjo marrëveshje do të forcojë përpjekjet e tyre të përbashkëta në parandalimin dhe luftimin e të gjitha formave të krimit transnacional, ekstremizmin e dhunshëm dhe terrorizmin.
“Duke vlerësuar lartë bashkëpunimin me strukturat e ndryshme të sigurisë së Republikës Italiane, shpreha përkushtimin e Qeverisë së Republikës së Kosovës për të qenë një aleat dhe partner i tyre i besueshëm”, shkroi Veliu.
“Gjithashtu, edhe një herë falënderova për mbështetjen e vazhdueshme që Republika Italiane ka dhënë në shtet-ndërtimin e Republikës së Kosovës dhe mbështetjen në proceset integruese euro-atlantike”.
Ndërsa, Ministrja e Brendshme e Republikës Italiane, Lamorgese vlerësoi lartë bashkëpunimin me Republikën e Kosovës në fushën e sigurisë dhe shprehu gatishmërinë për thellim të mëtejmë të bashkëpunimit në çështjet me interes të përbashkët, për sigurinë rajonale dhe atë Evropiane.
