Që nga 13 marsi kur edhe u paraqitën dy rastet e para me COVID-19 në Kosovë e deri më tani kanë vdekur 1 mijë e 387 pacientë, shkruan Gazeta Sinjali.
Numri i të infektuarve nga koronavirusi në Kosovë që nga data e lartpërmendur ka arritur në 200 mijë e 93.
Po ashtu, deri më tani betejën me COVID-19 e kanë fituar 47 mijë e 79 pacientë, gjersa raste aktive në vend janë 5 mijë e 795.
Ministri në detyrë i Shëndetësisë, Armend Zemaj, në anën tjetër ka deklaruar se Kosova është shembull për menaxhimin e COVID-19, teksa ka theksuar se vaksinat e para antiCOVID për qytetarët do të jenë në dispozicion duke filluar nga shkurti.
Gjithashtu, Zemaj sot tha se së bashku me Bordin këshilldhënës është duke parë mundësinë e lehtësimit të disa masave që janë në fuqi.
Në buxhetin e Kosovës për këtë vit janë ndarë 40 milionë euro për blerjen e vaksinave dhe për nevoja që lidhen me pandeminë COVID-19.
