Real Madridi dhe Eintracht Frankfurti do ta zhvillojnë sonte duelin e finales së Superkupës së Evropës nga UEFA në “Helsinki Olympic Stadium” në Finlandë.
Finalja e Superkupës zhvillohet mes fituesit të Ligës së Kampionëve, dhe atij të Ligës së Evropës.
Madrilenët triumfuan në finalen e Ligës së Kampionëve, duke mposhtur Liverpoolin me rezultat 1-0, ndërkohë Frankfurt e fitoi Ligën e Evropës pasi mposhte pas penalltive skuadrën e Rangers.
Ndeshja fillon nga ora 21:00 dhe mund ta ndiqni drejtpërdrejtë në kanalet Sport 1 dhe Klan Kosova.
