Barcelona në fundin e takimit ka arritur të fitojë një pikë ndaj Espanyol.
Espanyol ishte duke triumfuar me rezultat 2 – 1, por që sulmuesi Luuk de Jong bëri heroin duke shënuar në fund dhe shpëtuar mysafirët nga humbja.
Vetëm dy minuta pasi nisi takimi, mesfushori Pedri shënoi nga afërsia pas një harkimi të Albas për t’i dhënë epërsinë katalunasve (2′).
Mirëpo, ishte Darder që u asistua nga De Tomas dhe shënoi për të barazuar rezultatin (40′).
Barcelona e nisi më mirë pjesën e dytë, duke shënuar përmes Gavit, por pas rishikimit të VAR-it, doli që ishte në pozitë jashtë loje.
Ndërkohë, dyshja e golit të parë të vendasit, bashkëpunuan sërish, veçse këtë herë ndryshuan vendet, me De Tomas që shënoi dhe Darder që asistoi për golin e dytë.
Në fundin e takimit, situata u ‘nxeh’ mes dy klubeve, ku si pasojë Pique dhe Melamed u ndëshkuan me karton të kuq.
Kur mendohej se do mbyllet takimi, në skenë doli qendërsulmuesi Luuk de Jong që bëri heroin (90+6).
Pas këtij barazimi, Barcelona zë pozitën e katër me 39 pikë, derisa Espanyol renditët në pozitën e 13-të me 29 sosh.
