NATO ka frikë se Rusia mund të përdorë armë kimike në një sulm me “flamur të rremë” si pjesë e pushtimit të saj në Ukrainë, ka thënë sekretari i përgjithshëm i aleancës.
Jens Stoltenberg tha në një konferencë shtypi se “pretendimet absurde” të Rusisë për laboratorët biologjikë dhe armët kimike në Ukrainë ishin “një gënjeshtër absolute”.
“Kjo është vetëm një gënjeshtër tjetër. Dhe ne jemi të shqetësuar se Moska mund të organizojë një operacion të rremë, duke përfshirë ndoshta armë kimike“, tha ai, shkruan SkyNews.
Stoltenberg tha se çdo përdorim i armëve kimike nga Rusia do të ishte një shkelje e ligjit ndërkombëtar, por refuzoi të thoshte nëse do të ishte një vijë e kuqe që mund të tërheqë një përgjigje ushtarake nga NATO.
