Julian Nagelsmann nuk e ka përjashtuar mundësinë që Bayern Munich të bëjë një lëvizje për superyllin e Tottenham, Harry Kane.
Bayern Munich, duke kërkuar një zëvendësues për Robert Lewandowski, i cili u largua nga klubi në rrethana të vështira këtë dritare për Barcelonën, raportohet se e ka identifikuar Kane si njeriun e përsosur për të plotësuar boshllëkun e lënë nga polaku.
Duke folur për shtypin mes përgatitjeve parasezonale të Bayern Munichut në Shtetet e Bashkuara, trajneri i ri refuzoi të përjashtonte një lëvizje të ardhshme për Kane, duke lënë të hapur mundësinë që kapiteni i Anglisë ndoshta një ditë t’i bashkohet gjigantëve gjermanë.
Nagelsmann tha: “Ai është shumë i shtrenjtë, ky është problemi – por lojtar i shkëlqyer, një nga dy ose tre që mund të luajë si qendërsulmues [si edhe një numër 10), por ai është shumë i fortë, i shkëlqyer me kokën dhe të dyja këmbët“, ai shtoi.
“Ai mund të shënojë shumë në Bundesligë, nuk e di çmimin, por është vërtet e vështirë për Bayern Munich. Do të shohim se çfarë do të ndodhë në të ardhmen.’
Thashethemet kanë qarkulluar rreth kalimit të Kane ndoshta në klubin bavarez, veçanërisht që nga largimi publik i Lewandowski nga kampionët gjermanë.
Lewandowski, i cili kishte vetëm një vit të mbetur nga kontrata e tij me gjigantët gjermanë, njoftoi publikisht në fillim të kësaj vere se dëshironte të largohej pasi diçka kishte ‘vdekur’ brenda tij mes tij dhe klubit.
