Vedat Muriqi ishte një ndër emrat më të përfolur të merkatos te Lazio pasi largimi i tij shikohej si pakthim nga drejtuesit bardhekaltër.

Por, ulja në stol e Maurizio Sarrit dhe golat e shënuar në miqësoret e fundit të Lazios, kanë forcuar më shumë pozitat e sulmuesit të Kosovës dhe si duket drejtuesit kanë menduar t’i japin dhe një shans tjetër.

Në një intervistë për ‘’Corriere Dello Sport’’, Muriqi hodhi poshtë zërat e merkatos dhe u shpreh se do të qëndrojë te Lazio.

‘’Nuk ka asnjë kontakt me drejtuesit e Fenerbaçes dhe me shumë mundësi do të qëndrojë tek Lazio’’, tha Muriqi.

Sulmuesi shtatlart pritet të shpalosë të gjithë potencialin e tij këtë sezon dhe të justifikojë shumën e 20 milionë eurove që u shpenzua për afrimin e tij tek bardhekaltrit. /GazetaSinjaliSporti/