Vedat Muriqi ishte protagonisi kryesor i ndeshjes së mbrëmshme ku Mallorca nxori një barazim në shtëpi ndaj Barcelonës, në ndeshjen e vlefshme të xhiros së 7-të në La Liga, raporton Sinjali Sporti.
Muriqi ishte i përfshirë në të dyja golat mbrëmë ndaj Barcelonës, duke shënuar fillimisht golin hapës dhe të epërsisë për ekipin e tij, e më pas duke asisituar në dytin, për ta barazuar rezultatin në 2-2 ku dhe doli të ishte epilogu final i takimit. Muriqi u zgjodh edhe lojtari i ndeshjes pas përfundimit të sfidës.
Pas asaj performance dhe golit të shënuar, sulmuesi kosovar ka thyer një rekord në La Liga.
Muriqi është bërë vetëm një nga dy lojtarët e vetëm, së bashku me Joselu Maton, të cilët kanë shënuar kundër Barcelonës, Atletico Madridit dhe Real Madridit në La Liga që nga fillimi i sezonit të kaluar.
3 – Mallorca striker Vedat Muriqi is one of only two players, along with Joselu Mato, to have scored against Barcelona, Atletico Madrid and Real Madrid in LaLiga since the start of last season. Pirate. pic.twitter.com/Q5mVUaPynP
— OptaJose (@OptaJose) September 26, 2023
Ndryshe, Muriqi ka realizuar tre gola dhe ka regjistruar një asistim në 7 paraqitje deri tani në La Liga këtë sezon.
