Ministri i Financave, Hekuran Murati, ka reaguar për moslejimin e shfaqjes së dy filmave në Bujanoc, ku u arrestuan edhe dy persona, kreu i Shtëpisë së Kulturës në Bujanoc, Jetmir Ismaili dhe aktori Gani Veseli të cilët më pas u liruan.
Ai është shprehur se Serbia duhet të ndalojë menjëherë provokimet e saj, siç u shpreh ai, për të përshkallëzuar situatën.
Tutje, Murati tha se shqiptarët në Luginën e Preshevës duhet të jenë të lirë të shikojnë filma në gjuhën e tyre.
“Serbia duhet të ndalojë menjëherë provokimet e saj për të përshkallëzuar situatën. Përdorimi i politikave represive të Millosheviçit ka dështuar në të kaluarën. Do të dështojë përsëri. Shqiptarët në Luginën e Preshevës duhet të jenë të lirë të shikojnë filma në gjuhën e tyre”, u shpreh tutje ai.
Serbia should immediately stop its provocations to escalate the situation.
— Hekuran Murati (@HekuranMurati) June 10, 2023
Using Milosevic’s policies of repressions has failed in the past. It will fail again. Albanians in Presheva Valley should be free to watch movies in their language. https://t.co/yhoAlj4FRn
