image Momenti rrëqethës kur ushtari rus i lutet për jetën dronit ukrainas, shoku i tij hedh veten në erë

Botë

Momenti rrëqethës kur ushtari rus i lutet për jetën dronit ukrainas, shoku i tij hedh veten në erë

news image

Një ushtar rus është filmuar duke u lutur në mënyrë të dëshpëruar për jetën e tij, pasi u ndoq nga një dron ukrainas, mes tmerreve të llogoreve të luftës, pranë qytetit të rrethuar të Bakhmut.

Në videon e shpërndarë në mediat ndërkombëtare, ushtari rus shihet duke u zvarritur nëpër baltë, teksa bën gjeste të furishme ndaj dronit ukrainas se ai dëshiron të dorëzohet.

Ai shihet duke vendosur krahët në gjoks në shenjë “x” për të treguar “jo” për kamerën e dronit, ndërsa shihet se si merr në dorë edhe një shënim që mbante droni, ku lexohej në rusisht: “Dorëzohuni dhe ndiqni dronin”.

Ushtari i Putinit më pas kap një copë pëlhure të bardhë, të cilën e mban lart si shenjë dorëzimi. Ndërsa ndjek dronin nga llogoret, ai qëllohet nga ish-shokët e tij në ushtrinë ruse.

Pamjet besohet se janë filmuar pranë qytetit të rrethuar ukrainas të Bakhmut, i cili ka parë disa nga luftimet më të ashpra në muajt e fundit.

Atij iu dha shansi për t’u dorëzuar në kuadër të projektit të qeverisë ukrainase “Dua të jetoj”, që filloi shtatorin e kaluar për t’u dhënë trupave ruse një rrugëdalje nga lufta e Putinit. Ndërkohë, partneri i ushtarit me fat kishte zgjedhur të “hedhë veten në erë me granatë” në vend që të dorëzohej, siç u është thënë të bëjnë trupat ruse nga gjeneralët e tyre.

Afro 200,000 ushtarë rusë besohet se kanë vdekur deri më sot që nga fillimi i luftës në shkurt të vitit të kaluar, shumë prej tyre rekrutët e rinj nga pjesët më të varfra dhe më të largëta të vendit.

avionet ruse duke u rrezuar 3
mizorite ruse ne ukraine 14
MB RUSIA frame 31 1280x720

/GazetaSinjali/