Komisioni për Arsim, Shkencë, Teknologji, Inovacion, Kulturë, Rini dhe Sport do të mblidhet paraditen e kësaj të marte.

Para anëtarëve të këtij komisioni do të raportojë ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci.

Gjatë mbledhjes së këtij komisioni do të shqyrtohet edhe Projektligji për Ratifikimin e Marrëveshjes së Bashkëpunimit ndërmjet MAShTI-t dhe Agjencisë Austriake për Zhvillim, për zbatimin e projektit “Hulumtimi dhe Shkencat e Aplikuara në Arsimin e Lartë +(HERAS +)” (ADA numri referues 8116-00-2020).

Po ashtu, anëtarët e këtij komisioni sot pritet që të votojnë edhe për formimin e grupit punues për mbikëqyrjen e zbatimit të Ligjit për Botimin e Teksteve Shkollore dhe Dokumentacionit Pedagogjik./Gazeta Sinjali/