Vaksina kundër koronavirusit shihet si mënyra e vetme për ta rikthyer botën në normalitetin e vjetër. Një firmë argjentinase planifikon të përdorë një formulë për të prodhuar qindra miliona doza me një çmim vetëm 3 dollarë secila.

Kompania argjentinase “mAbxience” së bashku me kompaninë farmaceutike britanike “AstraZeneca” besojnë se mund të prodhojnë 400 milionë doza për t’ia shpërndarë kontinentit brenda prillit apo majit të vitit 2021.

Më shumë se 30 vaksina janë në fazën e testimeve klinike, por vaksina britanike dhe kandidatja amerikane e kompanisë “Moderna” vlerësohen si më të avancuara nga ekspertët.

Sipas tyre, për të krijuar imunitetin e tufës do të nevojitet vaksinimi i 68 për qind i popullsisë, ndërsa rikthimi në normalitet pa rregulla të distancimit social apo maskat nuk besohet se mund të arrihet deri në vjeshtën e vitit 2021. /Gazeta Sinjali/