Një rast i veprës penale ‘vjedhje e rëndë’ është raportuar në orët e mëngjesit të sotëm në Stacionin Policor në Mitrovicë, ku më pas  hetuesit  policorë kanë arritur të identifikojnë dhe të arrestojnë  një person të dyshuar për këtë rast. Bëhet fjalë për personin me inicialet K.I., 21 vjeçar.

“Arrestimi i të dyshuarit është bërë mbi dyshime të arsyeshme dhe provave të siguruara se gjatë natës të datës 20 maj 2020, në rrugën ‘Mbretëresha Teutë’’ në  një dyqan kishte kryer veprën penale ‘vjedhje e rëndë’, me ç’rast nga dyqani ka  vjedhur një  sasi të konsiderueshme të cigareve.

Si pjesë e ndërveprimeve hetimore është realizuar edhe bastisje në banesën e të dyshuarit, ku në cilësi të provave materiale janë gjetur dhe sekuestruar mallrat  e vjedhur, ndërsa pas procedurave të nevojshme i janë kthyer pronarit.

Pas procedurës së intervistimit, të dyshuarit K. I., 21 vjeçar, i është caktuar masa e ndalimit policor “, njofton policia, transmeton Gazeta Sinjali.