image "Marshojmë s'festojmë", nën jehonën e këngës "Behari i Lirisë''

Sociale

“Marshojmë s’festojmë”, nën jehonën e këngës “Behari i Lirisë”

news image

Marshojmë s’festojmë” këtë vit do të mbahet në 14 komuna të Kosovës nën sloganin ‘Patriarkati Vret’, transmeton Gazeta Sinjali.

Marshi kryesor mbahet në Prishtinë, kurse në komunat e tjera do të vendosen çarçafët në ndërtesat private dhe publike duke bërë thirrje kundër vrasjes dhe dhunës ndaj grave.

Ky marsh do të nisë nën tingujt e këngës së vjetër shqipe “Behari i Lirisë” i përshtatur nga Eli Krasniqi.

Shoqe dhe shokë, bashkë-aktiviste/ë, gra e vajza ju ftojmë që nesër, prej orës 12:00, të marshojmë krahas njëra-tjetrës e njëri-tjetrit, nën jehonën e këngës “Behari i lirisë”. Kjo këngë e vjetër shqipe, me tekst të përshtatur nga Eli Krasniqi, le të jetë zëri ynë i shpresës, përbashkimit e rezistencës tonë kolektive’, thuhet në njoftim.


Behari i lirisë

Këngë e vjetër shqipe me tekst të përshtatur nga Eli Krasniqi

  1. Dalngadalë po vjen behari,
    dalëngadalë po na vjen
    Po përmbyset patriarkati,
    Liria vjen, liria vjen.
    Ref:
    Po na vjen, po na vjen
    Bota zien, bota zien
    S’ka pushtet që prapa ne na kthen
    Ref:
    Po na vjen, po na vjen
    Bota zien, bota zien
    Shtypjes suaj, fundi po i vjen
  2. Çdo ditë t’lume, mëngjes herët
    Qielli ngryset seç u nxi
    Nuk durojmë ma padrejtësinë
    Nuk durojmë, nuk durojmë.
    Ref:
    Nuk durojmë, do t’kërkojmë
    Drejtësi dhe liri
    Eni shoqe, në rrugë tani
    Ref:
    Nuk durojmë, do t’kërkojmë
    Barazi dhe liri
    Eni motra, në rrugë tani
  3. Çonu t’gjitha na pret marshi
    Po na pret, po na pret
    Revolta jonë sot po jehon
    Po jehon po jehon
    Ref:
    Eni shoqe dhe ju shokë
    Tok e tok të marshojmë
    Barazinë ne sot po e kërkojmë
    Ref:
    Eni shoqe dhe ju shokë
    Të marshojmë tok e tok
    Poshtë shtypja për jetë e mot

/Gazeta Sinjali/