image Maqedonia e Veriut dërgon 44 ushtarë në Kosovë, do të punojnë në komandën e KFOR-it

Rajon

Maqedonia e Veriut dërgon 44 ushtarë në Kosovë, do të punojnë në komandën e KFOR-it

news image

Maqedonia e Veriut e ka dërguar kontingjentin e parë prej 44 ushtarësh në kuadër të Misionit Paqeruajtës së KFOR-it në Kosovë, transmeton Gazeta Sinjali.

Lajmin e ka bërë të ditur Ministria e Mbrojtjes e Maqedonisë së Veriut.

Ndër të tjera thuhet se ushtarët e dërguar do të qëndrojnë në Kosovë dhe do të punojnë në komandën kryesore të KFOR-it në Prishtinë.

“Kontingjenti i parë maqedonas me 44 anëtarë të Ushtrisë sot nga Kazermat Kuzman Josifovski – Pitu në Tetovë, u nis për në Kosovë, ku në gjashtë muajt e ardhshëm ata do të punojnë në komandën kryesore të KFOR-it në Prishtinë dhe do të sigurojnë komandën rajonale KFOR Perëndim. Maqedonia Veriore zë vendin e saj në NATO si një vend që do të thotë paqe, siguri dhe stabilitet në Ballkan!”, thuhet në komunikatën nga Ministria e Mbrojtjes e Maqedonisë së Veriut.