Mario Mandzukic është ende në kërkim të skuadrës të re, teksa raportohet se tashmë është në negociata me Besiktasin, transmeton Sinjali Sportiv.

Që nga korriku i vitit të kaluar, sulmuesi kroat është pa skuadër. Mirëpo, 34 vjeçari shumë shpejt pritet të bëhet me skuadër të re.

Sipas ‘TodoFichajes’, Besiktasi është në negociata me agjentin e lojtarit. Klubi turk thuhet se i ka ofruar 1.5 milionë euro për 6 muaj kontratë.

Mirëpo, sulmuesi kroat preferon kontratë për një vit e gjysmë dhe pagë prej 2 milionë eurove.

Mbetet të shihet në ditët e ardhshme nëse negociatat do përfundojnë me marrëveshje. /Sinjali Sportiv/.