Mauro Icardi dhe Wanda Nara thuhej se jenë ndarë, megjithatë sulmuesi i PSG e publikoi një fotografi me modelen argjentinase në Milano në rrjetet sociale të dielën vonë.
Wanda e akuzoi Icardin për tradhti ndaj saj në një reagim në Instagram të shtunën.
Dukej se ata ishin ndarë, pasi, sipas thashethemeve, sulmuesi argjentinas kishte një aferë dashurie me miken e Wandës, Eugenia Suarez, një aktore argjentinase.
Icardi mori leje nga PSG-ja për të munguar në stërvitjen e së shtunës, pasi gjoja ishte prekur nga ndarja me Wandën.
Megjithatë, të dielën pasi zhvillime të reja në marrëdhënien e tyre.
Ish-kapiteni i Interit i publikoi disa fotografi bashkë me Wandën nga banesa e tyre në Milano.
Ai shkroi në mbishkrimin e një fotografie në Instagram: “Urime Dita e Nënës”, pasi argjentinasit e festuan të dielën Ditën e Nënës.
Wanda Nara dhe Icardi u martuan më 2014 dhe ajo nuk është vetëm bashkëshortja e Icardit, por edhe menaxherja e tij. /Gazeta Sinjali Sporti/
