Ish-shefi i Bayern Munichut, Karl-Heinz Rummenigge, ka pyetur pse Robert Lewandowski do të dëshironte të përfundonte një transferim te Barcelona.
Lewandowski ka konfirmuar se ai nuk do të zgjasë kontratën e tij aktuale në Allianz Arena përtej datës së skadimit të saj 2023, duke ndezur zërat se ai do të largohet nga Bayerni në afatin kalimtar të verës.
Camp Nou është cilësuar si destinacioni i ardhshëm më i mundshëm për 33-vjeçarin, por Rummenigge nuk mendon se Barça është një klub më tërheqës se kampionët e Gjermanisë në këtë moment.
Bayern fitoi titullin e dhjetë radhazi të Bundesligës ndërsa arriti në çerekfinalet e Ligës së Kampionëve në 2021-22, ndërsa Barca doli nga kompeticioni elitar i Evropës në fazën e grupeve dhe përfundoi e dyta pas Real Madridit në La Liga.
Rummenigge thotë se Lewandowski do të ishte më mirë të qëndronte në vend nëse ai nxitet nga dëshira për të fituar tituj.
“Nuk mund ta imagjinoj që aktualisht mund të fitosh më shumë me FC Barcelona sesa me Bayern Munich”, ka thënë ish-CEO i Bayern për BILD.
“Çfarë mund të ofrojë më shumë Barcelona për momentin? Nuk mund të mendoj asgjë, nëse jam i sinqertë.”
Zyrtarët e Bayern-it kanë këmbëngulur vazhdimisht që Lewandowski do të përfundojë vitin e fundit të kontratës së tij, pavarësisht faktit se shefi i Barçës, Xavi ka konfirmuar bisedimet fillestare të transferimit me lojtarin.
Rummenigge ka theksuar se sa e rëndësishme është që klubi i tij i vjetër të ruajë shërbimet e një aseti të çmuar, duke i këshilluar ata t’i japin atij disa kompetenca ekzekutive në prapaskenë.
“Roberti është i pazëvendësueshëm për FC Bayern. Ju duhet një lojtar i tillë, edhe nëse ai është gati të mbushë 34 vjeç. Ky është një garanci goli që nuk ekziston askund në Evropë. Roberti është i klasit të lartë!” tha ai.
“Duhet të luteni që Roberti të qëndrojë, ai është absolutisht tërheqës për ligën.
“Duhet të luftosh për këtë, të flasësh me të dhe të përqafohesh me këshilltarin. Duhet ta përfshish atë në punën e brendshme të klubit”, ka theksuar ndër të tjerash Rummenigge.
