Ylli i Bayern Munichut, Robert Lewandowski, ka përsëritur qëndrimin e tij se dëshiron të largohet nga klubi – duke deklaruar se diçka ka ‘vdekur’ brenda tij te gjigantët gjermanë.
Lewandowski ka qenë publikisht i zëshëm për dëshirën e tij për t’u larguar nga Bayerni këtë verë, me Barcelonën si destinacioni i tij i preferuar.
Muajin e kaluar 33-vjeçari paraqiti një kërkesë për transferim dhe kur dha një përditësim për të ardhmen e tij kohët e fundit objektivi i Barcelonës nuk u përmbajt.
“Unë thjesht dua të largohem nga Bayerni. Besnikëria dhe respekti janë më të rëndësishme se puna. Gjëja më e mirë për të bërë është të gjejmë një zgjidhje së bashku”, tha ai për Sport Onet.
“Ata nuk donin të më dëgjonin deri në fund. Diçka vdiq brenda meje – dhe është e pamundur ta kalosh atë. Edhe nëse dëshironi të jeni profesionist, nuk mund ta kompensoni atë. Asnjë ofertë tjetër nuk u konsiderua nga unë përveç asaj të Barcelonës. Dua të largohem nga Bayerni, kjo është e qartë.
Gjatë kaq shumë viteve në klub kam qenë gjithmonë i gatshëm, i disponueshëm, pavarësisht lëndimeve dhe dhimbjeve, kam dhënë maksimumin. Mendoj se gjëja më e mirë për të bërë është të gjendet një zgjidhje e mirë për të dyja palët. Dhe të mos kërkojmë një vendim të njëanshëm.
Unë nuk jam duke kërkuar për një zgjidhje të njëanshme, kjo nuk ka kuptim, jo pas kaq shumë kohësh, pas një epoke kaq të suksesshme dhe me vullnetin dhe mbështetjen time“, ka deklaruar sulmuesi polak.
Frustrimet e Lewandowskit vazhduan pasi ai paralajmëroi Bayernin se asnjë yll i mundshëm nuk do të dëshirojë t’i bashkohet klubit në të ardhmen nëse nuk e lejojnë atë të përfundojë qëndrimin e tij tetë vjeçar në Allianz Stadium.
Sulmuesi i Liverpool-it, Sadio Mane, është përfolur shumë si zëvendësuesi i tij i mundshëm këtë verë.
“Çfarë lloj lojtari do të dëshirojë të shkojë në Bayern duke e ditur se diçka e tillë mund t’i ndodhë atyre? Ku janë besnikëria dhe respekti atëherë?
“Kam qenë gjithmonë gati, kam kaluar tetë vite të bukura këtu, kam takuar njerëz të mrekullueshëm dhe do të doja që të qëndronte kështu në mendjen time”, deklaroi ai ndër të tjerash.
Kontrata e Lewandowskit me Bayernin është deri në vitin 2023, por ai e ka bërë të qartë se nuk ka në plan të zgjasë dhe dëshiron të largohet.
Ai ka shijuar një periudhë të bujshme tetëvjeçare në Bavari, pasi ka shënuar 344 gola në 375 paraqitje. Këtë sezon ai shënoi 50 gola në 46 ndeshje.
Që nga ardhja nga Borussia Dortmund në vitin 2014, numri 9 i Bayernit ka fituar 14 trofe të mëdhenj në klub – duke përfshirë tetë tituj të Bundesligës dhe Ligën e Kampionëve 2019-20.
