Lidhja Demokratike e Kosovës sot mban Kuvendin e IX Zgjedhor.

Gjatë punimeve të Kuvendit do të votohet për kryetarin e partisë. Në dy mbledhjet e mbajtura gjatë dy ditëve të kaluara, kryesia e LDK-së nuk u deklarua publikisht nëse është arritur marrëveshje për një kryetar konsensual.

Por, burime brenda kryesisë së LDK-së, bëjnë të ditur se Isa Mustafa do të jetë kandidati konsensual edhe për një madat të tretë në krye të partisë. 

Kuvendi mbahet në Hotel “Emerald”.

Regjistrimi i pjesëmarrësve fillon nga ora 09:00, kurse punimet e Kuvendit fillojnë në ora 10:00.

Kuvendin e LDK-së e përbëjnë 354 delegatë të zgjedhur në kuvendet e degëve si dhe kryetari aktual i LDK-së, që me automatizëm është delegat i Kuvendit të Përgjithshëm të kësaj partie.